L’âbe …

Pasqui nos d’visons l’françès, nos cachons voltî nos racènes d’dins l’cultûre latine come si lès Nerviens ou bén lès Aduatiques avît d’visè li latin.

D’dins l’min.me eûwe, pasqui no pays a aurdè lès mârkes du christianisme, i nos-arive souvint di prinde pou l’nosse li mythologîye juive, come si Adam, Eve ou bén Noé s’rît lès tayons di nos ratayons.

Eyèt si on cacheut pus râde du costè d’èl cultûre celtique ? Nos apèrdrons qui l’âbe èsteut l’preumière imâdje d’èl vîkériye.

Insi lès mwès di l’anèye; trèze come lès leunes, pôrtît tèrtous li no d’in âbe :

Li preûmi si lomeut Beth, li bôlî, èyèt cominceut ausès alintoûs du vint-quate di décimbe ; li dérin, Ruis, li sèyu, finicheut quarante-wit eûres d’vant li r’toûr di Beth, pasqui i gn’aveut in djoû mwârt, pou l’If qui, lyî, èsteut l’djoû dè l’nouvèle anèye celte. Li bon timps, cominceut li dî-sèt di mârs èyet, adon, c’èsteut li momint du frane.


L’âbe chwèsi come symbôle d’èl vîye pau peûpe celte, chwèsi, étou pa lès indiyins di l’Amazonie, qui è tir’nut leû gan.gnâdje.

L’âbe, fôrmidâbe machine qui candje l’eûwe èyèt li lumiêre pou fé du bos, dès fouyes èyet dès fwîts, d’ôtes dès plantches ou bén du bos d’tchaufâdje.

I m’asbleuwi ostant pa s’biaté qui pa s’n-utilitè ; pèrdèz ène tère avou rén d’sus, mau av’nante, plantèz-î in âbe, èle divènra, t-ossi râde, bén av’nante.

Comint vikér sins l’âbe ? Comint din’ner au djârdin au mwès d’julèt, è plin solia, sins s’n-ombrâdje pou nos garanti dès rais trop brûlant du solia.
Comint yèsse asbleuwi dès couleûs du bon timps sins li sclat du djoli-bwès èyèt du magnolias ?
Comint stinde sès linçoûs à sètchî au vint d’mey sins li coupe di pronîs èyû ç’qu’on a aloyi ène cwâde intrè zèls deûs ?
Comint satchî lès pénalties sins lès baronîs qui sièrv’nut di câde à in but rèchu di nos-imadjinâcion d’dins l’coû di l’iscole ?
Comint s’muchî pou vîr abouler lès in.n’mis sins l’tchin.ne èyû ç’qui l’wéteû di dîj’ ans a gripè ?
Comint chîj’ler avou ène doûce crèyature, pad’vant in bon feu sins lès sokètes du tchêrnia qui spaurd’neut leû tchaleû pou nos’ bouneûr ?
Comint s’rapauji li gnût pa l’tchaleû d’in thé, sins l’tiyou qui li done li sinteûr èyèt s’gout ?
Comint lîre in bon lîve sins l’gayî pou astokî s’dos èyet l’papî avou lès bos du Canada ?
Comint si rescontrer autoû d’ène tâbe, avou lès cousses, sins l’acajou qua donè s’bos ?
Eyû bâti li cayute èyû ç’ qu’on s’muche avou lès soçons di wit ans, pou aprèster l’batâye qu’on vou lîvrer à l’in.n’mi ?
Eyèt d’pus, èyû griper à dîj ans, pou r’trouver sakantès eûres, r’zoublant d’ène couche à l’ôte, li sub.tilitè èyet l’pléji di nos ratayons d’i gn-a bran.mint dès sièkes, lès sèdjes ?

Pol Soumillon

Traduction

L'arbre ...

Parce que nous parlons le français, il nous est tentant d'aller chercher nos racines dans la culture latine comme si les Nerviens ou Aduatiques avaient parlé latin.

De la même eau, parce que notre pays demeure marqué par l'empreinte du christianisme, il nous arrive fréquemment de prendre pour nôtre la mythologie juive, comme si Adam, Eve ou Noé étaient nos ancêtres "imaginaires".

Et si nous cherchions du côté de la culture celtique ?
Nous y apprendrions que l'arbre y était le premier symbole de vie.


Au point que les mois de l'année; treize comme les lunes, portaient le nom d'un arbre.
Le premier se nommait Beth, le bouleau, et commençait à une date équivalente à notre 24 décembre ; le dernier, Ruis, le sureau, s'achevait 48 heures avant le retour de Beth, car il y avait un jour mort, consacré à l'If, qui précédait le nouvel-an celte; le printemps, qui débute le 17 mars, est l'époque du Frêne.


L'Arbre, choisi pour symbole de vie par la civilisation celte; comme du reste choisi également par les indiens d'Amazonie qui en tirent leurs ressources.
L'Arbre, magnifique atelier qui transforme en bois, en feuilles et en fruits, en matériau, en combustible et en nourriture, l'eau et la lumière.
Il m'émerveille autant par sa beauté que par son utilité; prenez une terre vide et hostile, placez-y un Arbre, elle deviendra accueillante.
Comment vivre sans l'Arbre ?
Comment dîner au jardin sous le soleil de juillet sans son ombrage protecteur.
Comment s'émerveiller des couleurs du printemps sans l'éclat du lilas et du magnolias ?
Comment pendre son linge au vent de mai sans les deux pruniers entre lesquels se tendra la corde de chanvre ? Comment tirer les penalties sans les marronniers qui cadrent un but éternel et imaginaire dans la cour de l'école ?
Comment guetter l'arrivée des "ennemis" sans le chêne au sommet duquel se perche la vigie de dix ans ?
Comment passer une agréable soirée en compagnie d'une douce créature, devant l'âtre d'un feu, sans les bûches du charme qui abandonnent leur énergie à notre bien-être ?
Comment s'apaiser le soir à la chaleur de la tisane, sans le tilleul qui lui donne principe et arôme ?
Comment lire un bon roman sans le noyer pour s'appuyer le dos et le papier issu des forêts canadiennes ?
Comment se rassembler autour d'une table, entre amis, sans l'acajou qui en fournit le bois ?
Où construire la cabane, où on s'isole entre potes de huit ans, afin de dresser les plans d'invasion du clan adverse ?
Et puis, où grimper à dix ans, pour retrouver l'espace d'une heure, ondoyant de branche en branche, la souplesse et l'allégresse de notre arrière-arrière-arrière grand-père le singe ?