Come amon lès Ch’tîs, dj’é bré …

Li djeudi di l’Acinsion, in tamboûr-majôr, avou in keûr sinsibe come ène pia d’timbe, a v’nu bwêre ène boutâye di champagne avou mi … I gn-aveut vint ans qu’i r’sinteut lès min.mes émôcions. On s’èst compris …
Dj’é bré …

Li dimègne, dji m’seûs mètu dins l’pia di m’cousse Claude (i gn-a d’èl place), èyèt dj’é frum’jî avou lès preumîs « ra » dès tamboûrs …
Dj’é bré …

Li gnût, dj’é vèyu passer l’compagnîye èyèt d’dins lès sapeûrs, lès deûs pus p’tits c’èsteut mès p’tits-fis …
Dj’é bré …

A l’prîje du drapia, dj’é an.mirè li clapante riprésintacion dès vrés mârtcheûs avou toute li dignitè èyèt li crwèyance qui fé di Gougnêye in ègzimpe riconu pa tèrtous …
Dj’é bré …

Djusse après l’sonerîye di trompète da Bernard Nicolas, l’canon d’nos ârtiyeûs a fé triyaner l’paujèr’té d’in vilâdje pad’zous li biatè d’sès môdes
Dj’é bré …

Achîd au solia, dj’é choûtè lès musikes di nos cousses qui djouwît lès érs di l’Intrè Sambe èt Meûse, c’èsteut bia …
Dj’é bré …

Après l’ rintréye, quand l’ Châsse s’è va d’no vilâdje, dj’é v’lu aurder dîs sègondes di pus li cène qui dji vénêre dispûs pus d’cénquante-cinq ans, èyèt in-inocint m’a r’satchi è r’beûlant « non ». Co eûreûs qu’in adjudant di Gougnêye a vèyu l’afêre èyèt m’a boutè in côp d’mwin pou m’mète pad’zous li reliquaire; putète pinseut-i qui dji v’leus li scroter ! Dj’é bèni m’bia-frére, l’adjudant …
Dj’é bré …

Li mârdi, quand on r’mèt lès mèdâyes, lès èfants di l’iscole ont clatchî dins leûs mwins pou yin d’leûs p’tits soçons … Bravô lès mésses di l’isocle, vos avèz compris, dji vos rabrèsse èyèt vos savèz qui …
Dj’é bré …

In cousse di Chouzé d’mèreut à m’maujo (yin qui fé du vén, ha ha ha), èyèt quand i l’a lèyi la l’ p’loton dès sapeûrs pou rintrer dins s’ payîs, l’Indre-et-Loire, i gn-aveut d’dins s’ bwèsse, qui aurde freud, dès vitoulèts èyèt d’èl taute au suke. Dji l’é r’wétî en’n’aller èyèt …
Dj’é bré …

Eyèt asteûre, dji vos scrît pou pârtadjî avou vos çu qui m’ keûr di mârtcheû r’sint, èyèt « plitch » ça tché dissus m’ bûrau … dji bré …

Texte original de Jean Marcelle – Adaptation wallonne Pol Soumillon

Traduction :

Comme chez les Ch'tis, j'ai pleuré ...

Le jeudi de l'Ascension, un tambour-major avec un coeur sensible comme une peau de timbre, est venu boire une bouteille de Champagne avec moi... Il y avait 20 ans qu'il ressentait les mêmes émotions. On s'est compris...
J'ai pleuré...
Le dimanche je me suis glissé dans la peau de mon ami Claude (il y a de la place), et j'ai vibré avec les premiers « ra » des tambours...
J'ai pleuré...
Le soir, j'ai vu défiler la compagnie et parmi les sapeurs, les deux plus petits étaient mes petits-fils...
J'ai pleuré...
A la prise du drapeau, j'ai admiré cette superbe prestation de vrais marcheurs avec toute la dignité et la conviction qui font de Gougnies un exemple cité...
J'ai pleuré...
Juste après la magnifique sonnerie de Bernard Nicolas, le canon de nos artilleurs a pulvérisé le silence de recueillement d'un village sous le charme de ses traditions...
J'ai pleuré...
Assis sous le soleil d'une météo généreuse, j'ai entendu dans un horaire parfaitement respecté les musiques de nos amis évoquer la Sambre et la Meuse avec un talent indéniable, c'était beau...
J'ai pleuré...
Après la rentrée, quand la châsse quitte notre village, j'ai voulu voler 10 secondes à celle que je vénère depuis plus de 55 ans, et un gugusse ma repoussé en me criant « non! ».Heureusement, un adjudant gougnacien a perçu la situation et m'a permis de me glisser sous le reliquaire que je respecte, quoi qu'en pense celui qui m'a confondu avec un terroriste ! J'ai béni mon beau-frère adjudant...
J'ai pleuré...
Le mardi, à la remise des médailles, les enfants de l'école ont applaudi un des leurs... Bravo, les institutrices, vous avez compris, je vous embrasse et sachez que...
J'ai pleuré...
Un ami de Chouzé logeait chez moi (un viticulteur, ha ha ha), et quand il a quitté le peloton des sapeurs pour prendre la direction de l'Indre-et-Loire, sa glacière contenait des vitoulets et de la tarte à la cassonade. Je l'ai vu s'éloigner et...
J'ai pleuré
Et maintenant, je vous écris ce que mon coeur de marcheur partage entre ses oreillettes de traditions et ses ventricules de bon sens, et « plitch » ça tombe sur mon clavier... Je pleure...