Feume di rève …

Ene feume riyôte, bén av’nante, sins façon, futèye, avou dès longuès djambes, li taye fine, abiyîe avou in bia tayeûr ou bén ène pètite cote ; èyèt pad’zous tout çoula, dès d’zous à vos fé freum’jî.
Mi feume va crwêre qui dji d’vise di lèye … Mins non fé m’chèrîye, vos èstèz mia qu’ça.
Cu qu’ dji vént di scrîre, c’èst l’ rèsultat d’ène inquête fé pa l’IFOP, pou fé in pôrtrét d’ène feume al lècsion.
Malaujîye pou lès djon.nes omes (ou bén pou lès omes marîyès qui voul’nut candjî d’coumères … mins oyi, vos savèz, come in club di foot candje d’ètrin.neû …) ci coumère-là ni court nén lès vôyes.
D’ayeûrs, d’après c’qui dji sés, on rèscontère bran.mint d’coumères riyôtes, ou bén av’nantes, ou bén drôles, ou bén dès futèyes, ou bén stampèye dissus dès longuès djambes, ou bén avou ène taye fine, ou bén avou dès bèlès loques, ou avou dès d’zous a z-assatchî lès marous, mins li tout èchène c’èst bran.mint pus malauji à trouvér èyèt li totale impossibe.
Dès keûdeûses, dès djolîyes nén fwârt malène, dès lèdes qu’ont dè l’tièsse èyèt dès « cache à liards » qui sav’neut comint fé, on è trouve pa t’t-avau lès tch’mwins èyèt lès grands places.
Dès fiyes qui r’chèn’neut au sondâdje, on n’è rèscontère nén bran.mint.
R’mârkèz qui c’coumère di rève n’a nén bran.mint d’intèrèt.
Li feume al lècsion, c’èst bén l’cène qui vos fé frum’jî dè l’tièsse aus pîds è passant pa dès indrwèts bran.mint pus boulants èyèt qui sét aurder çoula t’t-au long dès anèyes.
On s’è fou qu’èle fuche bén djolîye ou lède, futèye ou bén baloûje, grosse ou bén avou li taye fine, bén prope dissus lèye ou bén mau stitchîye.
c’èst l’rèsultat qui compte èyèt aupreume qu’on s’vèye voltî …

Pol Soumillon

Traduction :

FEMME IDEALE ...

"Une femme souriante, spontanée, drôle, intelligente, aux longues jambes, la silhouette élancée, portant, sous un tailleur classique, ou une minijupe, des sous-vêtements coquins".
Ma femme va croire que je parle d'elle ... Mais non chérie, tu es beaucoup mieux que ça.
La description ci-dessus, c'est celle de la femme idéale d'après un sondage de l'IFOP.
Problème pour les célibataires (ou pour les maris désireux de changer de compagnes ... mais oui, vous savez, comme un club de foot change d'entraîneur ...) cette nana-là, ne court pas les rues.
D'ailleurs, d'après ce que je sais, on rencontre énormément de dames souriantes ou spontanées ou drôles ou intelligentes ou pourvues de longues jambes ou élancées ou bien fringuées ou sous-vêtues de dessous chics et coquins, mais le cumul est beaucoup moins fréquent et le grand chelem carrément exceptionnel.
De belles crapuleuses, de ravissantes idiotes, de moches intellectuelles et de cupides allumeuses, il y en a plein les boulevards et les grands places.
Des filles correspondant au signalement du sondage, on en trouve nettement moins.
Notez que ce concept de femme parfaite n'a franchement guère d'intérêt.
La compagne idéale, c'est bien celle qui vous fait frissonner de la tête aux pieds, en passant par les endroits encore plus stratégiques de votre virilité et qui parvient à maintenir la "tension" au fil des années.
Peu importe qu'elle soit sculpturale ou mal foutue, géniale ou niaise, grosse ou filiforme, élégante ou mal fagotée.
C'est le résultat qui compte et que l'amour dirige notre vie ....