N’rén fé …

Li matin ètinde lès mouchons chufloter dins lès âbes.
Sayî di r’conèche li pièrot d’èl masindje, li feumèle ou bén l’ maule.
R’wétî l’ preumî rai d’ solia nos moustrer l’ poûssiêre qui danse lèdjère dins s’rai di lumiêre, fé r’lûre li dintèle dissus l’ mantia d’ èl tchèminéye, d’vant d’ vèni nos fé dès doudoûces dissus no spale.
Tout djusse rèchu di s’ lét, bén botè d’in tchaud abîyemint, d-aller à pîds dèscaus dins l’yèbe frèche èyèt rèspirer l’ér fris du matin.
Djèner dissus l’ coû, avou trwès tâyes rostîyes, d’ èl djaléye à gurzèles èyèt ène jate di boulant cafè.
R’nachî ène miyète dins l’ wazon, côper deûs ou trwès cruwôs qui tèn’nut tièsse, rimète ène pîre à s’place, brouch’ter ène miyète li coû èyèt fé d’ l’ér à ène fleûr qui stoufe pad’zous in bouchon, maugré qu’on sét bén qu’èle crèch’ra quand min.me, pasqui l’ vîye trouve toudis s’ voye.
Mindjî, pad’zous l’ parasol, dès sârdines rostîyes, dès canadas cûts dins leû pèlate, ène grosse salâde di tomates avou dès olives, dès oûs cûts deûrs côpès à p’tits boukès, dès cârès d’ fromâdje èyèt dès p’tits boukès d’ lârd.
S’coutchî dissus l’ tinre èyèt fris yèbe pou fé ène boune plandjêre à l’ombe d’in âbe qui vos tént au rcwè du solia, lès mwins pad’zous s’ tièsse pou fé in coussin, èyèt choûtér l’après din.ner s’en’n’aller paujêr’mint.
Stinde lès linçoûs au solia coûtchant èyèt lès wétî si sceûre doûç’mint au vint qui s’a rèvèyi.
Mète in gros tricot d’ lin.ne pou s’ garanti d’ èl gnût qui tché èyèt fini l’ djoûrnéye achîds autoû d’ène tâbe avou trinte-deûs cautes, dès èbalâdjes di toutes sôtes, dès tièrces, dès cârès èyèt dès capots.
Fé lumer deûs, trwès tchandèles dins l’ gnût pou z-achèver l’ pârtîye.
Wétî flam’jî lès tchandèles è choûtant Glenn Miller ou bén Brel, chûvant s’n-umeûr.
C’èst ène djoûrnéye di paujêrtè. Eyèt c’èst pou bén râde … Paciyince …

Pol Soumillon

Traduction :

Détente ...

Le matin, entendre un récital de gazouillis aériens dans les arbres.
Distinguer le moineau de la mésange, la femelle du mâle.
Regarder le premier rayon de soleil dévoiler la poussière qui danse, légère, dans son rayon de lumière puis faire briller la dentelle sur la tablette de cheminée avant de nous caresser l'épaule.
A peine levé, sortir en training, pieds nus dans l'herbe encore humide et humer l'air frais du matin.
Déjeuner sur la terrasse avec trois tartines roties, de la confiture aux groseilles et une tasse de café bouillant.
Chipoter un peu dans la pelouse, couper deux ou trois mauvaises herbes rebelles, remettre une pierre en place, passer un coup de balai sur la terrasse et encourager les efforts d'une fleur étouffée sous un buisson, en sachant qu'elle naîtra, parce que la vie trouve toujours son chemin.
Manger sous un parasol des sardines grillées, des patates "pétées" et une énorme salade pleine de tomates, d'olives, d'oeufs durs coupés en lamelles, de carrés de feta et de petits lardons.
Se coucher sur l'herbe tendre et fraîche pour faire une bonne sieste sous l'ombrage protecteur d'un arbre, les mains croisées sous la tête en guise d'oreillé et " écouter " l'après-midi s'écouler paisiblement.
Pendre les draps au soleil couchant et les regarder voler au vent réveillé.
Passer un gros pull de laine aux premières fraîcheurs du soir pour achever la journée autour d'une table avec trente deux cartes, des emballages divers, des tierces, des carrés et des capots.
Allumer deux ou trois bougies dans la nuit pour terminer la partie.
Regarder vaciller les petites flammes en écoutant Glenn Miller ou Brel, question d'humeur.
C'est une journée de détente. Et c'est pour bientôt ... Patience ...