Vos vèyèz voltî li brouyârd ?

Mi oyi ! Mins bén seûr nén quand dji mwin.ne mi n-ôto, adon qui l’voye, dèdja malaujîye quand i gn’a du solia, divént vrémint dandjèreûse.
Min pour l’cén qui s’pourmwin.ne paujèr’mint, li breume min.me bén spèsse n’èst nén fwârt anoyeûse, djusse ène nouvèle afêre dins l’décôr qui faut mèstrijî èyèt min.me li vèye voltî.
Li brouyârd c’èst-ène miyète come in majique nuwâje stindu dissus lès imâdjes di tous les djoûs.
Vos n’èstèz nén co rèchu d’ vo maujo èyèt v’la d’dja vos abitudes candjîyes.
Li tch’mwin qui vos pinsîz conèche come li fond d’ vos potches si disface tout d’in côp à mwins’ di cénquante mètes.
Sayèz d’ vos souv’ni d’èl couleû dès fènièsses di ç’maujo-ci ou bén di ç’t-èle-la ….
Nén t-ossi aujîye qu’on l’ pins’reut endo.
I faut yèsse bran.mint pus près pou vèye come i faut.
Téns, lès volèts d’ èl maujo du cwin sont bleû foncè … Dj’aureus gadjî qu’is èstîs vèt boutâye !
Deûs djins èyèt in tchén vèn’neut viès mi di l’ôte costè du tch’mwin …
C’èst putète lès vijins qui rintèr’nut di leû pourmwin.nâde ?
Non, is m’ont l’ér trop grands èyèt l’ bièsse trop p’tite.
Is aproch’nut, dji pinse adviner in tchapia dissus l’ tièsse di l’ome.
I m’chène qui c’èst Yves … Lès v’la tout djusse asto d’mi … Nén djusse, c’èst d’Jean, dji n’saveus nén qu’i l’aveut in tchén ; i l’èst vré qu’i m’chène tout djon.ne, is vèn’nut putète di l’adopter.
V’la l’ cariêre èyèt ène miyète pus lon li bos, li breume si stind come in sôrtilèdje au d’zeûs d’èl nwêre eûwe; on n’ vwèt wére lès « motes » dins l’brouyârd.
Dji m’èfonce à grandes asdjambléyes dins c’monde di paujèr’té, d’ombe èyèt di mistéres…
Si dji rèche d’ èl pîssinte qui côpe li bos du Scu, dj’é peû di m’ piède.
D’mwin, tout s’ra r’div’nu come divant, à paurt l’av’nîr qui aur’dra toudis sès s’crèts.

Pol Soumillon

Traduction :

Aimez-vous le brouillard ?

Moi bien ! Naturellement pas au volant de ma voiture, quand la route, déjà si piégeuse par temps clair, devient un véritable traquenard semeur de mort et de désolation.
Mais pour le promeneur serein, la brume même épaisse n'est pas un grand danger; juste un nouvel élément dans le décor qu'il importe d'apprivoiser et même d'apprécier.
Le brouillard, c'est un peu comme une nappe de mystère étendue sur les images banales du quotidien.
Vous sortez à peine de chez vous, qu'il bouleverse déjà vos habitudes.
Votre parcours dont vous croyez connaître les moindres contours et recoins disparaît en fondu à moins de cinquante mètres.
Essayez donc de vous rappeler les couleurs des châssis de telle ou telle maison ...
Pas si évident qu'on l'imaginait.
Il faut s'approcher pour peu à peu préciser la perception.
Tiens, les volets de la maison du coin sont bleu marine ... Ma mémoire me les disait vert bouteille !
Deux personnes et un chien avancent vers moi sur l'autre trottoir ...
Serait-ce les voisins qui rentrent de leur promenade ?
Non, la silhouette est trop grande et l'animal trop petit.
Ils s'approchent, je crois deviner un chapeau sur la tête de l'homme.
Ce doit-être Yves ... les voici enfin à ma hauteur ... tout faux, c'est Jean, je ne lui connaissais pas de chien; il est vrai qu'il a l'air tout jeune, ils viennent sans doute de l'adopter.
Voici les carrières et le bois un peu plus loin, la brume flotte comme un sortilège au-dessus des eaux sombres; les "mottes" de détachent à peine dans le brouillard.
Je m'enfonce à grandes foulées dans cet univers de silence, de pénombre et de mystères latents ...
Si je quitte le sentier qui traverse le bois du Scu, je crains de me perdre.
Demain, tout aura repris sa forme, sauf l'avenir qui gardera sa part de secret.