Avri …

Avri si stind, avri chène long, avri èst naujî dès p’tits freuds matins èyèt dès après din.ner pèsant avou lès fèniesses du bûrau qui lèy’nut rintrer lès tchauds rais du solia asbleuwichant.

Avri s’èdwa dins sès fris’ swèréyes mins dèdjà bén clères èyèt l’roudje cèke du coûtchant qui si stind dissus lès pachis èyèt lès campagnes tèrmétant qui d’l’ôte costè crèche li blanc rond d’èl plin.ne leune.

L’vilâdje ni sét nén chwèsi intrè li freud èyèt li lumiêre, intrè lès djolîyes fîyes abiyîes come pou lès vacances, moustrant leûs blankes sipales, èyèt lès vîyès coumères abiyîes come pou s’garanti dès djalèyes di fèvri.

Li cornèt d’crin.me a l’ glace n’a nén co prit l’place d’èl waufe tchaude èyèt l’boulant cafè qui ont toudis leûs pratikes.

Intrè lin.ne èyèt coton, avri s’èware di s’ bia cièl tout bleû, èyû ç’qu’èl si muche l’plouve du bon timps, qui r’don’reut d’èl fwârce ausès pachis èt ausès âbes fwîtiérs.

Avri èst strindu, l’plouve s’ra-t-èle pou l’èsté ?

Avri s’dispêtche d’dins lès p’tites rûwes, lès tch’mwins du coron, lès pîssintes, d’sus lès tch’mwins di halâdje, lès pourmwin.neus èyèt lès vélos r’vèn’nut come dès boukèts plins d’ couleûs.

Avri lîve sès preumiêres bales, pètites blankes goutes du bon timps pad’zeûs lès clotchîs, lès tapeûs lès rèvoy’nut viès l’trapéze èyu ç’ qui lès passeûs lès apice’nut come dès fwîts co vèt’.

Avri s’ratinri, lès canârds r’cach’nut après lès canes, lès tchats après lès tchates, lès pèchons après leûs p’tites coumères pèchons, lès gârçons après lès fîyes, i gn-a d’èl fîve èt ça frum’jîye dins l’èr.

Padrî in cèrijî caflori, mai ratind s’ n-eûre, paujêre, seûr di l.

Dins sakants djoûs, li timps s’mètra ausès passe-rôzes, lès pias vont breunî èyèt lès djârdins sintiront bon li tchau rostîye …

Pol Soumillon

Traduction :

AVRIL ...

Avril s'étire, avril s'étend, avril s'alanguit de petits matins glacés en après-midi alourdies par les fenêtres du bureau qui captent la chaleur du soleil aveuglant.
Avril s'endort dans ces soirées encore fraîches mais déjà si claires où le cercle rouge du couchant se répand sur les prairies et les champs tandis que monte à l'opposé le disque pâle de la pleine lune.
Le village est hésitant entre froidure et lumière; entre gamines en tenue de vacances découvrant leurs épaules blanches et vieilles dames frileuses couvertes comme pour braver le gel de février.
Le cornet de glaces n'a pas encore tout à fait pris la place de la gaufre chaude et le café bouillant garde ses défenseurs.
Entre laine et coton, avril s'étonne de son ciel bleu, où se cache la pluie de printemps qui rendrait vigueur aux gazons et aux arbres fruitiers.
Avril s'inquiète, l'averse sera-t-elle pour l'été ?
Avril galope sur les routes secondaires, sur les rues de quartiers, sur les sentiers, sur les chemins de halage, les joggeurs refleurissent en bouquets multicolores.
Avril livre ses premières balles, petites gouttes blanches de printemps au-dessus des clochers, les frappeurs les renvoient vers le trapèze où les cordiers les cueillent comme fruits encore verts.
Avril s'émeut, les canards frayent avec les canes, les chats avec les chattes, les poissons avec les poissonnes, les garçons avec les filles, il y a du trouble et du frisson dans l'air.
Derrière un cerisier en fleurs, mai attent son heure, sereinement, sûr de son fait.
Dans quelques jours, le temps se mettra au muguet, les peaux se hâleront et les jardins sentiront bon la viande grillée ...