Chroniques de Michel 2022

La petite Chronique du mois de septembre

Bénv’nûwe ô payis dès Rolendiens

Li bon tins, lès premîrès fleûrs ’yèt lès nouvès royes

Ravik’nut nos mémwères,ritoûne nos keûrs, pou qu’on s’èvole

Gn-a dès- ér’ di mârche qui s’sititch’nut didins nos tièsses

Gn-a dès brûts, dès sondjes qui s’candj’nut an pas- ordinêre.

Ca sint lès vitoulèts,l’tôte ô suke, l’s- Olandèsses.

Nos pîds bat’nut l’mèseûre, nos dwèts tok’nut dissus lès fiêrs.

Adon qu’nos blancs pantalons triyan’nut didins l’pind’rîye,

On r’boût. li tins è-st-arokè, on conte lès djoûs, lès- eûres !

Nos- ôtes, on n’pinse pus qu’a çoula, c’èst toute no vikérîye.

Sinte Rolende ôrdèz no santè pou vos rinde oneûr.

Ene kèdje. In pèt’ ! in flouch… in roûl’mint d’ tamboûr !

Nos-oûys rilûj’nut. Ène goute, on s’rabrèsse. Ca sint l’poûre.

On r’montra  l’ale » èchène Blanc

Tout djusse come l’anéye di d’vant…

Ene roudje plome,’ne spalêre d’ôr, ène èpe sipitant l’solia…

Lès v’la !Choutèz  l’tchant dou sife. In ra,in fla,in pas. 

O lon ,ça blonce, Gôche, drwète. Ène djôbe di couleûrs sbarantes

Gôche !Gôche ! is- scrêp’nut leûs pîds su l’ pavè di l’ûsance

A no payis!

Is rout’nut dins lès royons di leûs tayons

Sèrant leûs keûdes an rit’nant leû-n-émôcion

A no payis !

l’iviêr oute, quand lès djoûs ralondj’nut avou l’bon tins

Ca coumince a pèstèlér dins l’ cabus dès Rolendiens !

Michel Robert 2008

Sifes,tambourîs èy’ûlôds 2022

èl bourdon éditions

Lexique :

Bénv’nûwe : Bienvenue –  Li bon tins :  le bon temps – Nouvès royes : nouveaux sillons – Ravik’nut nos mémwêres : Font revivre nos mémoires – S’sititch’ nut : S’introduisent – Tièsses : Têtes – Brûts : Bruits – Sondjes : Rêves – Vitoulèts : Boulette de viandes – Tôte : Tarte – Olandèsses : Hollandaises (air de marche) – Mèseûre : Mesure – Dwèts : Doigts – Dissus : Sur – Fiêrs : Fers – Triyane : Tremble – Tins : Temps – Arokè : Arrêté – Djoûs : Jours – Vikérîye : Vie – Ordèz no santè : Gardez notre santé – Kèdje : Petite charge de poudre – Flouch : Faire long feu avec son fusil – Roûl’mint : Roulement – Ouys : Yeux – Rilûj’nut : Reluisent – Rabrèsse :  Embrasse – Poûre : Poudre – Èchène : Ensemble – Roudje :  Rouge – Spalêre : Épaulette – Épe : Une petite hache de sapeur – Spitant : Éclaboussant – Solia :  Soleil – Sife : Fifre – O lon : Au loin – Blonce : Tangue – Gôche : Gauche – Drwète : Droite – Djôbe : Gerbe – Couleûrs sbarantes : Couleurs étonnantes – Scrêpe : Racle – Pîds : Pieds – ûsance : Tradition – Royons : Petites lignes pour semer en jardinage – Tayons : Ancêtres – Keûdes : Coudes – L’iviêr oute : L’hiver passé – Ralondj’nut : Rallongent – Pèstèlér : Piétiner (marcher sur place) – Cabus : choux-tête

La petite Chronique du mois d'octobre

Li mawouche

Adon qu’li solia d’vént gros tafét’mint ène orandje.

Qui dins l’poulî lès pouyes bôy’nut l’djournéye qu’èst woute.

Qu’li vièspréye bleûwi li coupète dès- âbes…

Masindjes, agaces èyèt lès–ôtes mouchons èn-n-ont pèsant di

ragad’lér leûs tchîp’lâdjes a tout vint.

Li djoû s’èvole…pus ni yin brût…li niût couve…pôjêre !

Deûs grossès prones lum’nut ô triviès d’in fouya !

Pou l’mawouche il-èst l’eûre dè s’ rèvèyî ! Ouh !Ouh !Ouh !

Al preumîre oûléye… soris, fougnants èyèt rat bridè si strind’nut !

Pa ç’qui quand li mawouche va-z-èdômér li toûrnéye dès « grands

Ducs »…pou n’nén tchér’ dins s’djéve, il-èst rèquis di s’muchî…

Fable de Michel Robert

Lexique :

Mawouche : hibou – Vièspréye : crépuscule – Ragad’lér : bavarder inconsidérément – Bôy’nut : bayent –  poulî :  poulailler – Masindjes :  Mésanges – Agaces : Pies – Fouya : Branche d’arbre feuillue –  Strind’nut :  transissent – èdômér : entamer –  Djève : Gosier – il-èst rèquis : Il est question –  muchî : Cacher

 

La petite Chronique du mois de novembre

Dins  sès- îs

O pèrfond d’sès- îs on-n- ad’vineut   s’vîkérîye

Come in vî lîve ôzès pâdjes djanîyes.

Parèy a ène  fouye  qui tronle ô vint d’nôvambe

Ele  muche  si peû di stoûrbiyonér al danse…

Dès- ombrâdjes  dèl niût , dès mwins qui l’assatch’nut

O payis  dèl doutance, dou freud , dou blanc pachi.

Lêy qu’a tout supwartè  pa d’zous l’tiyou sins ployî

Ca- s’ skète a sès- ouys  di vèy  li stwèlî   s’ofru…

O matin ène brantche a tinkyî pus qu’i-n-faleut

Come in tène plomion   ô solia qui lujeut

Ele- èst  gripéye aviè l’bouneûr qu-èle  n’a nén yieû

Lexique :

Pèrfond : Profond – Vikérîye : Vie – ôzès : Aux – Tronle : Tremble – Muche : Cache – Assatch’nut : Attirent – Lêy : Elle – Tiyou : Tilleul – Ployî : Plier – skète : Eclater – Stwèlî :  Ciel, Firmament – Ofru :  Offrir – Tinkyî : Tendu – Plomion : Tendre plume – Gripéye : Montée – Yieû : Eu

La petite Chronique du mois de décembre

Èyu ç’qui t’ès squiv’tè ?

Qwè dis’ on, èyu ç’qui t’ès squiv’tè ? Dj’é bô m’ritoûrnér, gn’a pus noulu.

Adon qu’on-z-a bôyi èchène dès tchôkes, li tièsse ô d’zeû du djeu. Al môde di n’rénprinde an plin né, di d’mèrér li gamin qu’dj’èsteu.

Dji m’ricrèsteu, tu m’satcheus l’pania. Dji m’èstèfleu a voulwêr djouwér ô mésse, tu djipeus a r’lâye … Adon, dji r’purdeu dèl wôteu ‘yèt mès sondjes,dji m’riwéteu vikî.

D’in côp, mi cièl sa règnigni, mi vikérîye voleut l’cu ô wôt,l’èfant an mi spiteut ô lon. Tu n’ès nén l’deûl a m’awè lèyi…

Li keûr di l’ome èst spiyi.

Michel Robert

Lexique :

Squiv’tè : Parti – Noulu : Personne – Bôyi : Crier – Brailler – Tchôkes : Bons moments de loisirs – Èchène : Ensemble – Qu’dj’èsteu : Que j’étais – Ricrèsteu : Je me redressais – Satcheûs : Tirais – Pania : Chemisette- Èstèflér : Prendre de haut- Djipér : Rire en se secouant – R’lâye : Beaucoup – énormément – Wôteu : Hauteur – Riwétî : Regarder – Vikî : Vivre – Règrigni : s’assombri – Vikérîye  : Vie – L’cu ô wôt : en l’air-  Spiteut :  Disparaissait – Lèyi : Laisser – Spiyi : Eclater en mille morceau

 

 

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.