L’gsm …

In couse m’a d’mandé ène drôle di question : Est ç’qui vos vèyèz vôlti li GSM ou bén vos l’vèyèz èvi ?

Pou tout vos dîre, dji n’aveus jamés sondji à çoula, pasqui dji n’è vwès nén l’ûrgence !

Pou cominçî, faut-i yèsse d’acôrd ou conte lès nouvèles tech’niques à l’dérène môde qui no monde fé ?
Eyèt di pus, faut-i awè ène idèye dissus tout ?
E n’in mot, pou z’è r’véni à no n-afère, dji n’è nn’é pont (d’idèye) èyèt dji seûs d’acôrd avou mi min.me !

Mins d’jé quand min.me rèminè à çoula (ène sadju) : Est ç’qui dji s’reus pus binauje si Papa Nowé mètreut in tèlèfone sins filè d’dins mès p’tits solés ?
Bof ! Dji m’pourmwin’reut putète l’keûr pus paujêre d’dins lès bos d’Gougnêye ; si dji mi skète ène saqwè ou bén si dji tché d’dins lès boulîyes, dji saureus toudis criyî après ène saquî pou qu’on vène mi bouter in côp d’mwin. (Mins come dji n’é jamés yeû peû d’tout çoula, li gan.gne ni s’reut qu’dins m’tièsse).

Eyèt qui du contrére, c’djindjole-la pèrmètreut à in moncia d’sôlants èyèt di skèteûs d’pîds di toutes lès sôtes di m’disrindjî èyû ç’qui s’fuche, dès pîssintes lès pu r’culèyes ausès brès di m’coumère.

Mins c’èst co bén vré qu’on pou lès distinde cès p’tites afêres-là. In bon pwint adon.

Cu qui vout dîre qui l’GSM pou yèsse, come tous lès ostis d’asteûres, li mèyeûse come li pîre dès afêres ; ci n’èst nén lès ôtos, li tèlèvision, l’ordinâteûr, lès rèclames ou bén l’tèlèfone sins filè qui sont mwés enawères, mins comint ç’qu’on s’è sièrve.

Boune afêre si l’GSM du docteûr fé qui rèsponde dissus l’côp èyèt qu’i scape l’vîye dès djins èyèt domâdje pou l’cén qui s’è sièrve pou fé d’lèsbroufe èyèt couru après lès coumères.
Dins sakantès anèyes, i s’ra div’nu t-ossi ordinêre qu’in tèlèfone avou in filè èyèt nulu ni s’pôs’ra pu ç’bièsse question-là qui n’a yeû qui l’mèrite d’assatchî, dji l’èspère, vo n’intèrèt sakantès minutes.

Dji vos r’mèrcîye d’vo n-atincion !

Pol Soumillon

Traduction

GSM

Un collègue me pose une étrange question : "Es-tu pour ou contre le GSM ?"
A vrai dire, je n'avais jamais creusé cette question existentielle, dont l'urgence ne m'apparaît pas clairement.
Faut-il d'ailleurs être nécessairement pour ou contre toute nouvelle technique qu'engendre le monde "qui se dit moderne" ?
Faut-il, de plus, avoir un avis sur tout ?
En l'occurence, en revenant au sujet, je n'en ai pas et je le partage !
Mais, cette question m'a quand même fait réfléchir (quelque part) : Serais-je plus heureux si le Père Noël glissait un téléphone mobile dans mes petits souliers ?
Bof ! Disons que je me promènerais peut-être le coeur plus à l'aise au fond des forêts gougnaciennes; en cas de chute ou de malaise, je pourrais sans mal appeler du secours. (Mais comme je n'ai jamais stressé dans ces circonstances, le bénéfice moral n'en serait que virtuel).
J'ajoute, qu'à l'inverse, cette machine infernale permettrait à des tas de raseurs et casse pieds en tout genre de me traquer n'importe où, des sentiers forestiers les plus reculés aux bras de ma dulcinea.
Mais il est vrai que ces petites merveilles possèdent un ingénieux dispositif qui permet de les éteindre. Un bon point donc.
Le GSM peut s'avérer en somme, comme tous les outils modernes, la meilleure et la pire des choses; ce ne sont pas la voiture, la téloche, l'ordinateur, la pub ou le téléphone mobile qui sont parfois mauvais, mais l'usage qu'on en fait.
Tant mieux si le GSM, du docteur lui permet de répondre illico au moindre appel et sauver ainsi des vies humaines et tant pis si plus d'un frimeur s'en sert pour l'esbrouffe et la drague.
Dans dix ans, il sera devenu aussi banal qu'un téléphone ordinaire et personne ne se posera plus la question idiote qui n'a eu que le mérite de retenir, je l'espère, votre intérêt quelques minutes.
Je vous remercie de votre attention !