Pourcia …

Vos n’èstèz nén sins sawè qui dins chake ome i gn-a in pourcia qui sokîye, i gn-a min.me qui dîj’nut qu’amon lès feumes i n’sokîye nén, i si skeût èyèt nén doûç’mint …

Mins ci n’èst nén di çoula qui dji vout vos d’viser, ni v’nèz nén co vos fé dès idéyes …

Dji n’vou nén vos fé in discoûrs dissus li libido di l’ome mins pus râde dissus l’cène du pourcia.

I gn-a dès docteûrs pou lès bièsses, dès Swisse, qui lès ont studîyés, èyèt vos d’vèz sawè qui n’ leû done pupont d’farène di bièsses, Bén oyi à côse d’èl maladîye d’èl vatche fole (dj’è nn’é l’doutance …).

On n’rifè nén l’istwêre, mins vos avèz l’souv’nance qui lès bièsses à cwanes anglèsses ont pièrdu l’boule après awè mindjî d’èl farène di bèdos qu’avîs atrapès l’balzin.

Pou n’nén awè l’min.me afêre èyèt pou n’nén fé ène nouvèle mènéye du « sot pourcia », dèdja qu’is atrap’nut l’fîve du pourcia, is leûs ont donè, à s’fé pèter, du soja (ouille, d’jé l’èspwêr qui ça n’èst nén transgénique).
Eyèt v’la qui cès charmant
ès bièsses-là, conûwes di d’lon pou leû atirance costè kèkète, sont d’vènûwes nâreûses di s’costè là.

Lès troûyes ni sont pus è tchaleû èyèt çoula ni fé nén d’èl pwène ausès maules qui n’lès vèy’nut pus vôlti.

Di d’la à coumachî anter èyèt mindjî d’èl tchaud, i gn-a qu’ène adjambèye qui m’boutchî f’reut sins balziner.

Qwè pinsér di toute cite paskèyes-là ?

Pasqui vèyèz, di qwè s’qu’is vike’nut lès céns qui font crèche èyèt acrach’nut, lès pourcias ?
D’èl vinte d èl tchaud bén seûr !

Is ont dandji d’nos fé acrwêre qui pou yèsse in bia maule i nos faut mindjî ène bèle assiète di tchaud d’pourcia, pâtè, grogne, djambon …

Mins adon franch’mint, qu’èle coumère s’ra assèz inocène pou crwêre qu’èle va assatchî in bia maule avou … in boudin …

Pol Soumillon

Traduction :

Cochon ...

Vous savez sans doute que dans tout homme, il y a un cochon qui sommeille, d'aucuns prétendent que chez la femme, il ne sommeille pas, il s'agite; et chez certaines, de belle façon ...
Mais là n'est pas mon propos aujourd'hui, ne vous en déplaise ...
Je ne veux en effet pas vous parler de la libido de l'homme, mais de celle du cochon qui vient de faire l'objet d'une étude approfondie et professionnelle des services vétérinaires suisses.
Il faut savoir que les éleveurs helvètes ont renoncé l'été dernier à nourrir leurs bêtes avec de la farine animales compte tenu de l'inquiétude des consommateurs relative à la crise de la vache folle (ben tiens ...).
On ne refait pas l'historique, mais en deux mots, souvenez-vous que les bovidés britanniques sont devenus zinzins après avoir boulotté de la farine de moutons, eux-mêmes atteints de tremblante.
Histoire d'éviter l'apparition d'une maladie du "cochon fou", déjà qu'ils peuvent contracter la peste porcine, on a depuis gavé les porcs au soja (aïe, pourvu qu'il ne soit pas transgénique).
Et voilà que ces charmants animaux réputés pour leur libido dévorante sont presque devenus inoffensifs côté zigounette.
Les truies ne sont plus en chaleur et cela ne chagrine guère les verrats qui ne s'y intéressent plus.
De là à associer la puissance sexuelle à la consommation de bidoche, il y a un pas que mon boucher franchirait sans hésitation.
Reste à savoir quel crédit accorder à cette histoire.
Car, voyez-vous, de quoi donc vivent les éleveurs de porcs ?
Du commerce de la viande bien évidemment.
Il est donc manifestement de leur intérêt de nous convaincre que le bon accomplissement du devoir conjugal passe d'abord par une grosse assiette de cochonnailles, saucisse, pâté, hure et jambon.
Mais franchement, quelle dame serait assez sotte pour croire qu'elle va attirer les gars avec ... un boudin ...