Taurdjî …

Vos avèz d’djà ratindu trwès quârts d’eûre d’dins ène file sèrèye, mins paujêre avou pou dèstinèye, au d’bout du vwèyâdje d’in désêrt « plin djins », li toûrnikèt à sinsation di Walibi, Disneyland ou bén di Bellewaerde ?

Drôle di résumè d’èl vikériye !

On y rèscontère, nos èstons à costè di bran.mint d’ djins qui n’ont qu’ène min’me idèye.

Mins bran.mint d’mèront toudis dès djins qu’on n’con’chra jamés.
On sondj’ra à leû vikériye, leûs bia èyèt leûs mwés costès rén qu’
è r’wétant leû visâdje, leû alûre èyèt leû môde di d’mèrer paujêre.

A mwins’ qu’on fèye chènance di n’nén lès vîr.

Pacôps, maugrè çoula, nos f’rons con’chance ; si l’cén qui èst à costè d’vous èst blonde, djolîye, lès lèpes pulpeuses, li pwètrine av’nente èyèt li r’gârd tossi bleû qu’on poureut s’noyî d’dins.

Après in r’gârd, èn’ risèye, ène pètite dèvise qui s’ra putète li cominç’mint d’in discandje d’adrèsse èyèt l’cominç’mint d’ène con’chance qui poureut div’nu du sintimint (co d’pus putète).

Tous cès djins qui pestèl’neut d’dins l’ min’me sins’ pèt’neut èvoye pa t’t-avau pa l’ majîye dès colidôrs fé pâr dès grèyîs ou bén simplèmint dès cwades qui font chèn’nance di lès fé èn’naler di tout lès costès adon qui lès raploûr’neut.

Téns, li djon.ne fîye qu’esteut djusse à costè d’mi t’taleûre ; i gn’aveut qui cénq cintimètes intre nos’ ôtes deûs quand nos nos avons crwèsés d’dins l’file; asteûre dji l’vwè rola dins l’fond, mins toudis dins l’ min’me sins’.

Téns, l’file avance di sakantès mètes.

Ele èst enn’alée amon l’pavèye d’èbarkèmint d’sus l’timps qu’mi dji ratind toudis, èyèt asteûre, ça m’chène bran.mint pu long !

Tèrtous nos èn’nalons tout doûc’mint mins seûr’mint viès l’min’me destinèye.

Lès agoneûs (y gn-a toudis) grip’neut au d’zeûs dès grèyîs pou ariver pu râde ; is n’sav’neut nén qui l’vré pléjî, li vréye réson di vikér èst dins l’atinde èyèt nén dins l’ fén.

Au d’bout du vwèyâdje i gn-a l’fén èyèt l’flèche moustrant l’sôrtîye.
Allèr, nos nos rèscontèr’rons di l’ôte costè du murwârt …

Pol Soumillon

Traduction :

Attendre ...

Avez-vous déjà passé trois quarts d'heure d'attente dans une queue serrée, mais docile avec, en guise de terre promise, au bout de la traversée d'un désert surpeuplé, l'attraction vedette de Walibi, Disneyland ou Bellewaerde ?
Etrange résumé de la vie !
On y rencontre, on y côtoie des centaines d'humains habités par la même aspiration.
Mais la plupart demeureront toujours anonymes.
On se contentera d'imaginer leur vie, leurs qualités et leurs défauts sur leur mine, leur allure et leur façon de dompter l'impatience.
A moins que l'on ne leur manifeste rien d'autre qu'une totale indifférence.
Parfois, cependant, on nouera le contact; surtout si l'anonyme qui chemine à vos côtés est blonde, jolie, les lèvres pulpeuses, la poitrine généreuse et le regard digne des plus beaux lagons des mers du Sud.
Après un regard; un sourire, quelques phrases seront peut-être le préambule d'un échange d'adresses et le début d'une relation qui pourrait devenir amitié (plus peut-être). Ces gens qui marchent tous vers le même but sont pourtant éclatés dans toutes les directions par la magie des couloirs formés de barrières ou simplement de cordes qui feignent de les disperser
alors qu'ils les canalisent.
Tiens, la jeune demoiselle qui était tout à l'heure juste à mes côtés; seuls cinq centimètres nous séparaient lorsque nous nous sommes croisés dans la file; je l'aperçois maintenant loin devant moi, mais toujours dans le même sens.
Tiens, la file avance de quelques mètres.
Elle disparait vers le quai d'embarquement tandis que se prolonge mon attente, devenue soudain plus monotone.
Tous nous progressons insensiblement mais inexorablement vers le même dénouement.
Les tricheurs (il y en a toujours) enjambent les barrières pour l'atteindre plus vite.
Ils ignorent que le vrai bonheur, la vraie raison de vivre, est dans cette attente et non dans son aboutissement.
Au bout de la queue, il y a la fin et la flèche indiquant la sortie.
Rendez-vous de l'autre côté du miroir ...